?講真,未生痘痘之前,我從來都無諗過我竟然會有生痘痘生成咁既一日,因為我一直都係好小生痘痘既類型。
我既痘痘基本上都生係額頭上,臉頰基本上無咩問題。
但我都必須先講一講,我D痘痘其實肉眼睇落無咁嚴重,只係手機影出黎特別恐怖。
我差不多經歷左半年咁既樣,中間一直反反復復,直到依加好左好多啦。
但我對護膚成分既研究十分淺薄(其實無咩研究)所以,我所分享既都只係根據自己既感受,同小小原理、知識,
希望幫到大家。
⭐️?如果你D痘痘真係好嚴重,都係先睇醫生穩陣D
?講一育我生痘痘既原因,大家睇到既圖片上有D發濃既痘痘,基本都係我閉口無清理乾淨之後發炎既,好多痘痘都係好紅腫,而且基本都生係固定既位置,咁就說明到因為我痘痘長期都無徹底清理乾淨
(所以事後諗番,我覺得其實去一去醫院係可以唔洗經歷咁耐黑暗時期既)
-----------------------------------------
好~入番正題!我到底具體用左咩去痘產品同護膚品句?
係用藥膏之前,我用左特別多既去閉口,去痘痘藥,但作用都只係暫時既,沒辦法徹底清除我既痘痘。
-----------------------------------------
? 早期
我買既美國品牌叫:Clearasil
其實呀,我唔係因為牌子買既,係睇成份隨便揀既,所以大家睇睇裡面有Benzoyl Peroxide(過氧化苯甲酰)就可以啦!
(我買既呢個係有顏色既,買既時候唔記得睇了,大家記得揀無顏色既,雖然唔知道差別係邊,至少外觀好D)
?[關於過氧化苯甲酰]
呢個係用黎去除粉刺同痘痘十分普遍既成分,原理好復雜,大家可以網上查下,我唔多講啦,總之就係呢種成分可以幫助徹底清除痘痘同粉刺。
副作用就係用既時候,可能會有灼燒疼痛,如果產生這種症狀,請即時睇醫生;其次就係可能會造成痘痘更加紅腫。呢個時候唔洗驚,繼續,過一陣就會開始脫皮,然後慢慢就會好。
?建議大家可以由低濃度既開始(2.5%-10%)我當時唔了解,直接買10%,但幸運我無任何不適應既反應。
係美國賣得比較好既品牌是acne.org,大家可以自行了解。
我最開始用呢個產品既時候,一開始效果係比較明顯的,紅腫痘痘慢慢消除,都無持續爆痘
我既使用方法好簡單:先潔面,後點係需要既部位上,過10-20分鐘之後做後續既護膚
-----------------------------------------
?中期
呢段時間可以講,我經歷左非常困難既一段時間!痘痘係會反復,雖然唔係咩大痘,但係不停咁爆閉口,我覺得呢種情況唔太適合繼續用10% Benzoyl Peroxide。
當時咁岩睇到La Roche-Posay(理膚泉)既祛痘套裝做緊promotion(我本身想買比我細佬,但唔知點解自己用起上來)
我推薦大家優先使用理膚泉,因為呢個品牌畢竟專業針對痘痘。
?[理膚泉Effaclar Medicated Gel Cleanser]
呢款潔面含有2% Salicylic acid(水楊酸),水楊酸大家都熟啦,可以有換膚既效果,對閉口好有用。但係這款潔面我無經常性使用,一開始我是有成日用既,但我後來過敏,而我每次用呢個洗面奶,我既過敏就會變得嚴重,因為皮膚本來就脆弱啦,然後就一直閑置左。
?[理膚泉Effaclar Clarifying Solution]
洗面奶之後用,我當二次清潔用,有0.5% Salicylic acid(水楊酸)+2% Glycolic acid(果酸)。我只會用佢黎清潔我既額頭同發際線,仲有頸…經常可以擦出一D黃黃既污穢野,超級明顯。
?[理膚泉Effaclar Dual Action Acne Treatment]
其實就是痘痘膏,5.5% Benzoyl Peroxide,濃度比我之前用既Clearasil低,我會比較大範圍搽係閉口既部分。
這一套組合用,效果真係好好,用一段時間之後,我既閉口反復減少左同埋真係越來越穩定。
-----------------------------------------
?除左佢地,仲有一位功臣 - origins 菌菇水。
係我最嚴重的時候,我基本上早晚都會濕敷5-10分鐘。
依加皮膚穩定左,基本上1-2天先濕敷一次,因為懶呀。
呢款水水,又保濕,又好用,一直回購。
-----------------------------------------
?我既日常護膚
我係生痘痘期間,護膚都係最簡化既,避免因為營養過剩導致痘痘更加嚴重。我基本上除了痘痘膏,就會用水+面霜+haba
?潔面
[Philosophy自然哲學洗面奶]
清潔力特別好,而且好溫和,洗完唔會乾
[Freeplus氨基酸洗面奶]
因為用緊痘痘膏,所以非常容易起皮,洗面奶我都係選擇保濕為主,呢款超級好用,萬年推!
[luna mini]
我用洗臉刷既頻率唔高,基本一星期用一次,因為我角質好薄,我主要清潔額頭+T區,面部我係輕輕帶過。
?[Lamer Treatment lotion+經典面霜]
我覺得lamer既產品,係皮膚好既時候效果唔會超級明顯,但係一旦有問題需要修復,效果超級好。但如果係我岩岩開始個種超級嚴重痘痘既時候,效果都係一般,因為個時真係太嚴重啦。
?[Squalane]
Squalane(角鯊烯)我一開始係為左保濕效果買既,後來先知道仲有修復作用。
我係整個祛痘過程中,都無脫皮很嚴重,我覺得我真係要多謝佢地。
Timeless同Haba相比,比較稀,但係成分基本一樣,我就一齊用。
-----------------------------------------
?其他注意事項
?[擠痘痘]
我建議大家唔好自己清閉口,但是如果真係要自己整,建議大家買一套專業既工具,然後一定要消毒!
我唔係疤痕肌膚,所以我寧願整損都要擠乾淨,雖然呢個想法係唔岩既,但我真係一定會去努力根除!
(依加我技術越來越好啦,哈哈-)
?[關於化妝]
我並唔覺得生痘痘,完全唔可以化妝,雖然當然最好唔好,但係我經過試驗一段時間唔化妝,皮膚都無特別變好,所以我整個過程都有化妝。
需要注意既係,化妝工具一定要乾淨。
我海綿蛋,每次用都會洗乾淨,粉底刷基本都係用一次就洗。
粉底方面,一定要避開可能會起新痘既粉底,然後及時卸妝,徹底清潔。
-----------------------------------------
?總結
讀書時就一直被誇皮膚好,其實生痘痘令我好唔舒服,主要係心理方面的,因為痘痘真係會影響自信心。
睇住自己既皮膚慢慢好,真係好開心,雖然仲未完全好晒,但係感覺離希望越來越近。
希望全部有同樣問題既美女都可以搵到自己既治痘良方。