Lancôme新品 立體塑顏緊緻修護啫喱

Lancôme立體塑顏緊緻修護啫喱 Rénergie Multi-Cica Gel Apaisant (HK$700/3ml*7)係1盒7支小瓶裝啫喱面膜,可以連續7日敷嚟急救,或者定期使用。

密封包裝令甘油、維他命原B5等保濕鎮靜嘅活性成份keep得更新鮮。搣開蓋之後要即刻用哂,千祈唔好諗慳住用可以敷多次啊。

啫喱呈淡黃色,有陣木瓜雪耳糖水嘅香味(⁎⁍̴̛ᴗ⁍̴̛⁎)。質感輕盈得嚟又唔容易流動、移位。

啱啱敷完個發熱嘅深層清潔面膜,而家塊面又紅又乾,最好試下呢款新啫喱面膜。

一搽上面,啫喱立刻為皮膚降溫,乾燥引致嘅痕癢好快消退。就算啫喱接觸到暗瘡傷口,都唔會感到刺痛。曬完一日、進行光學美容療程後都可以用佢嚟舒緩保濕。

敷咗10分鐘,塊面終於變返同頸一樣色。

而面頰嘅紅印係暗瘡發炎引致,要用返相關產品處理——特別想提一點,大家要對產品有基本了解,唔好對佢抱有錯誤期望——所以小妹不會認為啫喱唔可以減退暗瘡紅印就判斷佢無用。
939


最新美容日記

The latest beauty diary

查看更多