首先同大家介紹番，呢個磁叉我諗買左都有5年～
5年前，年少無知去美容院試做磁叉瘦腿，
覺得幾好，所以被人sell 到，買左5、6千蚊packages。
差不多用晒個packages，又唔想再買，
我就開始諗：唔知上網買唔買到，係屋企自己做呢？
最後係搵到既！? 
其實佢係唔同既頭係針對唔同既部份同有唔同既功能，
不過我就一叉走天涯。

? 姐係咩黎嫁？

「磁穴經絡按摩棒」亦稱「排酸棒」或「磁叉」，
係幫助身體排酸既工具，幫助血液循環，消除身體疲勞，對疏通身體經絡及淋巴非常有效，亦可用作美容收緊肌膚、去水腫、瘦面及減退黑眼圈等之用途。排酸棒具四千高斯永久磁力，利用自然磁力原理，不含化學成份，使用方便。

? 有咩咁特別？

首先，同徒手按摩作比較，排酸棒按得深層好多，非常到位！如果淋巴好塞或者非常水腫，你輕輕用力已經非常痛（爽個隻痛～～），忍到10下你就明顯feel 到通左?
係屋企我最常通臉同腳，去水腫一流！
而腳呢，仲可以去疲累，亦係我好鐘意既一part，
因為成隻腳會輕晒、鬆晒。