希望第一張圖無嚇親大家！

因為呢個分享想講黑頭，所以我想放張高清對比圖比大家睇下，睇下我用錯方法同用岩方法之後既分別⋯⋯

我係混油皮膚，細細個T區分泌就好旺盛，黑頭生得好勁，所以岩岩升中鼻既黑頭同毛孔就開始比較明顯。

細個無好好研究護膚，所以用過各種各樣既方法去黑頭，總之覺得去到黑頭就可以。

細個常用既方法就係用手擠同粉刺針清理，最鐘意擠晒D黑頭出黎之後敷個收毛孔TONER就算。

當時我覺得我既去黑頭方法係岩既！！清晒D黑頭，然後再收斂毛孔，最多最後用埋個面膜鎮定肌膚！

但係你地有無發現，咁去完黑頭，過幾日黑頭又陸陸續續生番出黎了，然後又擠，無限LOOP。

時間耐左，鼻同鼻周既毛孔都越黎越大，而且鼻翼兩邊仲多左D紅血絲。

我既鼻子就係經過幾年咁樣既摧殘之下，個鼻就一直紅，好似酒糟鼻咁（後來去醫美做激光去紅血絲先唔紅）

但依加既我發現，真正有效減少黑頭既方法， 就係通過系統性既護理！！！

1. 溫和清理黑頭（盡可能少用粉刺針／撕拉面膜既方式去黑頭，同埋絕對唔可以手擠！可以揀一款有溶油脂效果既潔面，都可以通過去角質既方式減少黑頭）

2. 定期去角質（一般毛孔粗大既都係油性肌膚、油皮既角質剝落速度係正常肌膚的3~4倍，所以需要定期去角質，去角質不但可以幫助你軟化角質層，令護膚品更好吸收，都可以減少出痘既可能性）

3. 補水收斂毛孔（通過充分補水可以令肌膚細胞達到飽滿既效果去收縮毛孔）

4. 用控油產品，減少黑頭生長！（控油係為左減少毛孔內油脂分泌，緩解黑頭生長）

當我開始重復重復呢樣過程之後，黑頭生長出黎既速度比以前慢好多好多，2-3星期唔清理都唔會感覺好似之前咁（以前清理完過3-7日黑頭又明顯番）

油脂分泌少左，黑頭少左，長久既補水、收縮毛孔、控油後，毛孔都會變細D。

咁樣就唔會因為暴力清潔黑頭頻率太高而導致鼻子發紅、紅血絲越黎越多!

下一個POST分享下我用既Skincare!